នៅថ្ងៃសុក្រ ៣កើត ខែជេដ្ឋ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី១៤ ខែឧសភា ឆ្នាំ២០២១ ឯកឧត្តមកិត្តិនីតិកោសលបណ្ឌិត ស៊ឹម កា អនុប្រធានទី១ ព្រឹទ្ធសភា និងលោកជំទាវ បានអញ្ជើញចុះទៅស្រុកកំចាយមារ និងស្រុកកញ្ជ្រៀចខេត្តព្រៃវែងធ្វើការពិនិត្យការកសាងសមិទ្ធិផល នៅតាមវត្ត ដែលឯកឧត្តមកិត្តិនីតិកោសលបណ្ឌិតអនុប្រធានទី១ ព្រឹទ្ធសភា និងលោកជំទាវ បានឧបត្ថម្ភ និងផ្តួចផ្តើមកសាងកន្លងមក តាមការបិណ្ឌបាត្រពីព្រះសង្ឃ និងការស្នើសុំពីគណៈកម្មការអាចារ្យ និងប្រជាពលរដ្ឋចំណុះជើងវត្តរួម៖

១-វត្តទេពនិមិ្មត ហៅវត្តអញ្ចាញ (របង រូបសំណាក ខឿនតំកល់ព្រះរូបសម្តេចព្រះសង្ឃរាជ ជួន ណាត)

២-វត្តពង្ររង្សី ហៅវត្តជ្រៃម្រាក់ (កុដិ និងរូបសំណាកសម្តេចព្រះសង្ឃ)

៣-វត្តថ្មទឹកដាច់ (ទេយ្យវត្ថុ និងបច្ច័យ)

ក្នុងឱកាសនោះដែលឯកឧត្តមកិត្តិនីតិកោសលបណ្ឌិតអនុប្រធានទី១ ព្រឹទ្ធសភា និងលោកជំទាវ ក៏បាននាំយកនៅទេយ្យទាន និងគ្រឿងឧបភោគបរិភោគ ព្រមទាំងសំភារៈប្រើប្រាស់រួមនិងថវិកាមួយចំនួនប្រគេនដល់ព្រះសង្ឃ និងជូនដល់គណៈកម្មការវត្តសម្រាប់តំកល់ទុកបន្តការកសាងវត្ត និងប្រើប្រាស់ ពិសេសសំភារៈចាំបាច់សំខាន់ក្នុងការរក្សាការពារទប់ស្តាត់ បង្កាការឆ្លងរីករាលដាលជម្ងឺកូវីដ១៩ (COVID-19) ផងដែរ ។